ಸಿರುಗುಪ್ಪ : ಈ ಕಾರ್ಯಕ್ರಮದಲ್ಲಿ ಸಂಸ್ಥೆಯ ಪಿ.ಜಿ ಶಿವಕುಮಾರ್ ರವರು ಕಂಪನಿಯು ನೂತನವಾಗಿ ಸಂಸ್ಕರಿಸಿದ ಶ್ರೀ ಅನ್ನಪೂರ್ಣ ಭತ್ತದ ತಳಿಯ ಕುರಿತು ಮಾಹಿತಿಯನ್ನು ನೀಡಿದರು ಈ ತಳಿಯು ಸೋನ ಸೆಗ್ಮೆಂಟ್ ನ ತಳಿಯಾಗಿದ್ದು 135 ರಿಂದ 140 ದಿನಗಳೊಳಗೆ ಕಟಾವಿಗೆ ಬರುತ್ತದೆ, ರೋಗದ ಸಹಿಷ್ಣುತೆಯನ್ನು ಹೊಂದಿರುವಂತಹ ತಳಿಯಾಗಿದೆ ಎಂದು ವಿವರಿಸಿದರು.
ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಅಮ್ಮ ಆಗ್ರೋ ಏಜೆನ್ಸೀಸ್ ನ ಹೇಮರೆಡ್ಡಿ ಅವರು ಮಾತನಾಡಿ ಶ್ರೀ ಅನ್ನಪೂರ್ಣ ತಳಿ ಹೊಸ ತಳಿಯಾಗಿರುವುದರಿಂದ ಕಳೆದ ಮುಂಗಾರು ಹಂಗಾಮಿನಲ್ಲಿ ಮಾರಾಟ ಮಾಡುವಾಗ ಆತಂಕ ವಿತ್ತು ಆದರೆ ಈ ಜಮೀನನ್ನು ವೀಕ್ಷಣೆ ಮಾಡಿದಾಗ ತುಂಬಾ ಸಂತೋಷವಾಯಿತು.
ಇದು ಒಂದು ಅತ್ಯುತ್ತಮ ತಳಿಯಾಗಿದ್ದು ಲೋಕಲ್ ಸೋನಾ ತಳಿಗಿಂತ 15 ದಿನಗಳ ಮುಂಚೆ ಕಟಾವಿಗೆ ಬರುತ್ತದೆ, ಯಾವುದೇ ರೋಗಗಳು ಕಂಡುಬಂದಿಲ್ಲ, ಔಷಧಿ ಸಿಂಪಡಣೆಯೂ ಕೂಡ ತುಂಬಾನೇ ಕಡಿಮೆ ಇರುವುದರಿಂದ ಅಧಿಕ ಇಳುವರಿ ಅಧಿಕ ಲಾಭ ಪಡೆಯಬಹುದು,
ಹಳೆ ಲೋಕಲ್ ತಳಿಗಳು ರೋಗದ ಸಹಿಷ್ಣತೆಯನ್ನು ಹೊಂದಿರುವುದಿಲ್ಲ, ಔಷಧ ಸಿಂಪಡಣೆಯೂ ಜಾಸ್ತಿ ಆಗುವುದರಿಂದ ಭತ್ತವು ವಿಷಪೂರಿತವಾಗುತ್ತದೆ. ಶ್ರೀ ಅನ್ನಪೂರ್ಣ ತಳಿಯು ಔಷಧಿ ಸಿಂಪಡಣೆ ಕಡಿಮೆ ಇರುವುದರಿಂದ ಅಕ್ಕಿ ತಿನ್ನುವುದಕ್ಕೆ ಆರೋಗ್ಯಕರವಾಗಿರುತ್ತದೆ ಹಾಗೂ ಉತ್ತಮ ರುಚಿಯಿಂದ ಕೂಡಿರುತ್ತದೆ ಎಂದು ರೈತರಿಗೆ ಮಾಹಿತಿಯನ್ನು ನೀಡಿದರು.
ಈ ಕಾರ್ಯಕ್ರಮದಲ್ಲಿ ಸಂಸ್ಥೆಯ ಹೊನ್ನೂರ್ ವಲಿ, ತಿಪ್ಪಾರೆಡ್ಡಿ, ಹನುಮಪ್ಪ ರೆಡ್ಡಿ, ರಾಘವೇಂದ್ರ ರೆಡ್ಡಿ, ಲಕ್ಷ್ಮೀಕಾಂತ ರೆಡ್ಡಿ, ಶಿವಾರೆಡ್ಡಿ, ಗುತ್ತಿ ಬೀಮರೆಡ್ಡಿ, ಗಾದಿಲಿಂಗ ಸೇರಿದಂತೆ ಅನೇಕ ರೈತರು ಪಾಲ್ಗೊಂಡಿದ್ದರು.
